ارفع القبعه لهذا الرجل و افخر بكونه مصرى
مش عارفة اقول ايه بس انت راجل جدع جدا و محترم و عارف ربنا بجد مش بتنافق و لا بتمشى جنب الحيط و تخرس عن كلمة حق و تقول و انا مالى ولا اصلي دبلوماسى
خير الجهاد هو قول كلمة حق فى وجه سلطان جائر و ده اللى عمله القس اللى قال حقيقة المجلس العسكرى كاملة و هو عارف ان كلامه بيتسجل و انه ممكن يتقتل بس قال مش خايف من الاستشهاد لان العيد مش هدوم حلوة انما عدل و حق
فخورة بيك كمصرية و كمسلمة بحييك اوى و بقولك انت اجدع من المنافقين الكتير على قنوات النصب و التجارة بالدين اللى شغالين كلاب لأمن الدولة بيروجوا كلامها دون خشية الله
Posts
12 comments:
ياريتك كنتى شوفتى وائل الابراشى وهو بيعلق على الخبر
مسخرة بجد
بيقولك الراجل تخطى حدوده !! وانه اصبح بيشتم
قولى لى بقى لو انتى ادام التلفزيون مكانى تعملى ايه !!
المهم انا بصراحة عجبنى كلام الراجل اوى
حتى الكلمة مش قادرين يقولوها
دا احنا برنجع لورا اوى يارب اهدى الناس يارب بقى ونلاقى حد شجاع زيه كدا ويقول كلمة الحق
كلنا فخورين بشجاعته
لا سلام الا بعدالقصاص
وانا والله ماعارف اقول ايه
انا كامسلم حسيت بخجل شديد لما قارنته ببعض راجال الدين الاسلامى
الراجل مش بس جدع الرجل يطمنك ان الكنيسة المصرية بها شرفاء
تحياتى المستعطرة
ربنا يباركله، راجل محترم.
لست فخور به كرجل دين مسيحى
بل فخور به كمصرى
اين هو من خالد (قرنى) عبد الله
بجد يهمنى الانسان و لو مالوش عنوان
تحياتى لكى
و انتى فخورة به ليس كمسلمة و لكن كمصرية فقط
تحياتى
الصح نقول اشجع رجل دين
الراجل دة محترم جدا...
و فعلا مش مهم انت مين
المهم انت بتقول ايه...؟؟
من كلامك عنه قررت اني احمل الفيديو و اشوفه لان النت هنا بالكارت ضعيف جدا
احترمته جدا لانه قال كلمه يخاف غيره انه يقولها
و حتي لو كان الرجل له موقف غير موقفي فهو يبعث علي الاحترام
فى الفيلم الوثائقى "صناعة الكذب" ظهر الدكتور على جمعة وهوه وبيقول "الفتنة نائمة لعن الله من أيقظها - والخروج على الحاكم حـــــرررااااام شرعا - وفى نفس الفيلم ظهر الشيخ خالد الجندى وهوه بيقول اتغيرت الحكومة مش عاجبهم ..اتعمل نائب رئيس مش عاجبهم أومال عايزين ايه
وأمثال الجماعة اللى هيخربوا البلد دى قريب كتييير ... ولسه .. اللى هيمسك مصر الأخوان والسلفيين اللى مش هنسيبهم يتهنوا بالمناصب دى أبدااااا
وحشتينى يا تيرز بقالى كتير غايبة ومقصرة معلش
كلامه جوانا كلنا وربنا يقوينا على اللى جاى
جميل اوى :) بجد ربنا يكرمه
تييرز العزيزة..........
الإنسان هوه إنسان فى كل مكان ولادخل للدين فى مبادئه لكن عندك حق عندما ترين أن من يدعون الدين واحد منهم منافق وكذاب والآخر صادق وشجاع تكون المقارنة فظيعة وتكون النتيجة واحد صادق وواحد منافق وهذا هو حال الدنيا يعنى موش عارفه كام واحد من الأزهر أو حتى النيسة كان بينافق مبارك
ماهيه حقيقة معروفه للجميع وبالإسم
Post a Comment