مجاميع تأيد المجلس فى العباسية اللى فى الوسط نسوا و بدأوا يهتفوا بالروح بالدم نفديك يا مبارك و يا أوباما يا عميل الامريكان! على اساس انه رئيس الفلبين و يا برادعى دم المصرى مش رخيص برضة على اساسا ان هو اللى قتلهم فى الميادين و بيعذبهم فى المعتقلات و كشف على عذريتهم و قلع النساء فى الشوارع بدوا يرقصوا على اغنية وطنية
!
و بعدين تطور الموضوع لرقص جماعى لنشطاء آسفين ياريس سابقا خليك يا مجلس حاليا على اغنية "انا شارب سجارة بنى و دماغى عمالة بتاكلنى" و ده بيعكس همه قد ايه ناس ليها وجه نظر و بتدعم فكرة محترمة جدا و لوجه الله مافيش ريجيسير مسكوه جاييبهم و لا حاجة
!
*************************
تحية لحملة كاذبوووون
في وجه من ترفع سلاحك؟
Posts
8 comments:
ما حدث في العباسية بالامس وصمة عار في جبين كل من شارك هناك ستظل تطاردهم ما بقوا احياء
السلام عليكم
رغم ان اختلف مع من تظاهر هنا ومع من تظاهر هناك
الا انه يبقى لكل حق فى التظاهر بالشكل لذى يراه بشكل الا يتعدى على الاداب العامة او يتسبب فى اى اضرار
هذا رأيى الشخصى
اتمنى ان تنعم مصر بالامن والامان والاستقرار قريبا
دومتى بخير
تييرز...........
من مصطفى محمود للعباسية ياقلبلى لاتحزن
من مبارك لطنطاوى الثورة بتدفن
من حكم الفاسد لحكم العسكر نفس العفن
محتاجين ثورة تانية نصحح مسيرة الزمن
دول ينطبق عليهم جملتى الجديده تجاه اى شئ بالبلد "يا شيخه بلا قرف"...مش كان التظاهر حرام و بيعطل البلد فجأه كده بقى مفيد؟؟
مشكلتنا ان احنا كشعب يعني اعتدنا ان نطبل لاي حد ييجي ... لما بنقول نستحمل المجلس الكام الشهر اللى فاضلين وخلاص فهذا لا يعني ان احنا نطبل لطنطاوي كما كان يفعل الكثير مع مبارك !
بصراحة يا دموع
مش عارف اقول ايه بصراحة كل لما احاول الائى مبرر للناس اللى فى العباسية افتكر على طول ان ربنا مش هيدخل الاصنام النار اللى هيدخل النار هم التابعيين للاصنام !!!!
وربنا يهدى يارب لان بجد الموضوع بتاع الاتباع بقى كتير اوى وكبر جدا والاتباع طلعوا مش قليلين .. هوا الحرية بيخوف
اخبارك تيرز
اشتقت لما تكتبي
وشاهدت منذ يومين هذا البوست مرورآ
ولكني سعيده الأن بسقوط عكاشه في بلقاس
يستاهل بجد لأنه خاض في عرض البنت اللي عروها قبلهابيوم بطريقته المستفزه واهوجاله يوم
عقبال الباقي
مصطفى سيف الدين
افعال قادة العسكر هى اللى عار و نكست الجيش
فاروق سحير ( فاروق بن النيل )
صح بس اعتقد ان سلمية ماتت
د/دودى
دول بياكلوا على كل الموائد
Casper
انت طيب اوى....هو المجلس ممكن يمشى عشان يجى رئيس محترم يحاكمهم بجرائم الحرب اللى عملوها دى؟؟
AhMeD RaDy
دفعنا تمن الجهل غالى اوى و للاسف الامية الثقافية و الخلل المعرفى موجود حتى عند بعض حملة المؤهلات العليا
افروديت
اهلا بيكي افروديت...وحشتنى جدعنتك و اراءك...عكاشة لم يسقط بعد و لما نشوف نتيجة الانتخابات
Post a Comment