تحذير للكبار 18+ فقط

الفيديو ده ملخص ح يفوتك كتير لو ماشفتوش بس لازم تكون فوق 18 سنة و أمانه عليك فرجه لأكبر عدد تقدر عليه فى الشارع و القهاوى و المواصلات و على النت

مجلس العار فيه تسعتاشر خاين ايديهم اتلوثت بدم العزل و ده طبيعي والا ماكانوش حموا مبارك عشرين سنة و هو عميل اسرائيل الاول اللى صحف تل ابيب نعته تانى يوم تنحية بمانشيت "يوم بكت فيه اسرائيل"...لكن مجلس مبارك مش لوحده وماعملش كل الجرايم دى بايده و احنا عارفين ان لا طاعه لمخلوق فى معصية الله فكونهم وجدوا اللى يوافقوا يبقى مش همه بس المجرمين و كون غيرهم سكتوا يبقى المسئولية مش على اللى اجرم و بس لانك طبقا لقانون العقوبات تعتبر شريك فى الجريمة لو شفت قدامك ضحية تقتل و تستغيث و لم تحاول مساعدتها

مش ح قول حاجة غير ان الجيش اتهزم و اكسر اكتر كتير من 67 و ده كان مخطط عملاء صهيون مساعدين مبارك اللى على رأس السلطة الان فضربوا عصفورين بحجر واحد اجهضوا الثورة و دمروا الجيش و خلوه عار و مثال للخسة لما جنوده اتصورا فيديو وهم بيرموا طوب و العيال زفوهم "الجيش العبيط اهو" يوم مجلس الوزرا و الناس تبادلت الفيديوهات و لما بقى جنوده يطلعوا على الستات يضربوهم و لما ضباطه ضربوا الشعب الاعزل برصاص حي و لما.... و لما

عبد الرحمن الابنودى فى رسالة لمجلس مبارك لخص كل الحكاية بكلمات موجعه و صريحة جدا على لحن عذب لان الناس لازم تفوق و ماعدش ده وقت تنظير و كلام دبلوماسى وفلسفي