موقع تسجيل المصريين للتصويت فى الخارج

تصويت المصريين بالخارج

يسمح بالتسجيل باستخدام الرقم القومي اعتباراً من يوم الخميس 10/11/2011 وحتى 19/11/2011 عبر الموقع الإلكتروني للجنة العليا للانتخابات لكل المصريين المتواجدين في الخارج وسبق لهم استخراج رقم قومي صادر قبل يوم 27/9/2011، وهو موعد غلق التسجيل في قاعدة بيانات الناخبين بالنسبة للانتخابات البرلمانية المقبلة
http://www.elections2011.eg/

خلوا المصريين فى الخارج يصوتوووووا

عدد المصريين في الخارج من 8 الى 12 مليون و امامهم للمرة الاولى فى التاريخ الانساني فرصة للمشاركة فى التصويت فى الانتخابات البرلمانية اللى هى أهم من الرئاسية لان نواب المجلس مش شغلتهم رصف الطرق و لا توظيف ووسايط و خدمات وتوزيع سكر و زيت و مكرونة انما دول اللى ح يشرعوا القوانيين و يشاركوا فى وضع نظام و دستور للبلاد فيا ننتقل لمصير دول محترمة كتركيا و ماليزيا و ألمانيا يا نبقى الصومال وقندهار او ايران و حماس و ربما العراق بعد منظر تقسيم المساجد فى صلاه العيد بين تيارات التجارة بالدين

يا نعدى من الكبوه و نخلص من الحرامية ولاحسي البيادات و نعمل أساس علمي سليم يرسخ مبادىء الحرية و المواطنة و سيادة القانون نبنى عليه دولة متقدمة تصون كرامة و آدمية مواطنيها يا نسيب الوضع يواصل انهياره  و نحقق حلم اللى بتضخ اموال مالهاش عدد تخرب بيها بلدنا...اللى علمها اترفع على ايد غوغاء فى ميدان التحرير رمز الحرية و الوطنية و الكرامة

اللى ح يبقى سلبى و كسلان و يقول مش فاضى و لا يقول و انا مالى او ما انا مصرى عايش بره مرتاح و لا معايا جنسية تانية ما ينساش ان له أهل فى مصر و ان لو البلد خربت و استحوذ عليها عملاء نجد اللى شوهوا الاسلام و تاجروا بيه مش ح يقدر ينزل مصر يشوف أهله و انه مهما لف و دار و بقى معاه بدل الجنسية تلاتة فحيفضل برضة مصرى بيكلم مصرى و بيتفرج على افلام مصرى و دمه المصري بيتحرق مع كل مصيبة بتحصل لمصري و لو البلد خربت فكله على دماغه

اوعى تقول و انا يعنى اللى صوتى ح يفرق لان فيه منك كتير فلو الكل قال كده يبقى سبناها للبلطجية و الفلول و طيور الظلام اللى عايزين يسرقوا البلد زى ما سرقوا روح الدين و شوهوا صورته و حولوله لمظاهر و نعيق و نفاق وتكفير

لو انت مصرى فى الخارج اوعى تقول و انا مالي لانه مالك و نص و مش مالك و بس دى حياتك و مستقبل اولادك و أمانك

لو انت مصرى فى الداخل مسئوليتك توعى اى مصرى تعرفه فى الخارج و تقوله روح ادلى بصوتك و انقذ ما يمكن انقاذه عشان من الاخر كده شكلنا رايحيين فى ستيين داهية

افهم يا مصرى ان سر مقاومة تجار الدين و ذيول النظام الحاكمين, لتصويت المصريين فى الخارج كل الفترة الطويلة دى أنهم عارفين ان دول فئة مش ح ينفع معاها كيس مكرونة و سكر و لا كام جنية زى اللى بيضحكوا بيهم على الغلابة اللى همه السبب فى غلبهم

المصريين اللى فى الخارج ماعندهمش مساجد مسموح فيها بالتجارة بالدين ولا فيها تشويهه لقيمة النبيلة بتحويلة لساحة تكفير و استغلال سياسى رخيص فماحدتش غاسل مخهم ولا مستغل جهلهم و فقرهم

فووووووووووووق يا مصرى قبل ما تتمنى تغرق فى عبارة و ما تلاقيهاش حتى

 

فتح باب التسجيل من 10 إلى 19 نوفمبر الجاري فى السفارات

تمهيدا لمشاركتهم في التصويت في الانتخابات

 اخر نوفمبر