رمضان جانا..هاتوا الفوانيس :)

كل سنة و انتم بحب و خير و رحمة

معلش رمضان السنة دى جاى و احساسنا مختلف يمكن اللى غيره الاحداث المضطربة الاخيرة و جمعه قندهار سكوير اللى فاتت اللى كسرت فرحه الناس و فخرهم بمصر...طبيعى لما الفسدة يتحالفوا مع تجار الدين و يطلقوا اللى فى السجون فجأه و يسيبوا مليارات تتحولهم من دولة هى العدو الاول للثورة المصرية و أعلامها تملى ميدان التحرير و تغيب علم مصر فى "جمعة الهوية!" يحصل كده

بس اعتقد ان باقى الشعب عدده اكتر و كان محتاج الصدمة دى عشان يفوق و يعرف ان الفرجة لوحدها مش كفاية بالذات بعد ما سمع الهتافات باسم الارهابى بن لادن في التحرير لاول مرة (اللى قتل مسلمين مدنيين وماقتلش جندى صهيونى واحد) و فى نفس اليوم شاف تكملة المشهد فى العريش بهجوم مسلح لرافعى مصاحف و اعلام سوداء قتلوا ضباط شباب من جيشنا و مدنيين ابرياء و كسروا نفس اهاليهم على رمضان 

التطهير بدأ و فيه شرفاء فى كل مكان و أملى فى ان الازهر يستعيد مكانته و يعود منارة لنشر الوسطية

رمضان كريم عليكم جميعا و ان شاء الله ربنا حارس مصر و قادر يسترها معانا زى ما دايما بيحميها

بكرة احسن :)