فتنة طائفية .... الاخوان: الانتخابات اولا
حق الشهداء و المصابين.... الاخوان: الانتخابات اولا
محاكمات عسكرية لمدنين .... الاخوان: الانتخابات اولا
كشف عذرية على البنات .... الاخوان: الانتخابات اولا
سلق قوانين و تجريم اعتصامات .... الاخوان: الانتخابات اولا
محاكمة الفساد و رؤوس النظام....الاخوان : الانتخابات اولا
محتاجين دستور... الاخوان : الانتخابات اولا
اهالي الشهداء تحت التهديد...الاخوان:الانتخابات اولا
الثورة بتتسرق و النظام قائم ...الاخوان:الانتخابات اولا
الناس بتموت في التحرير....الاخوان :الانتخابات اولا
البلد بتولع....الاخوان:الانتخابات اولا
بتصرف رأفت نقلا عن اليوم السابع
حق الشهداء و المصابين.... الاخوان: الانتخابات اولا
محاكمات عسكرية لمدنين .... الاخوان: الانتخابات اولا
كشف عذرية على البنات .... الاخوان: الانتخابات اولا
سلق قوانين و تجريم اعتصامات .... الاخوان: الانتخابات اولا
محاكمة الفساد و رؤوس النظام....الاخوان : الانتخابات اولا
محتاجين دستور... الاخوان : الانتخابات اولا
اهالي الشهداء تحت التهديد...الاخوان:الانتخابات اولا
الثورة بتتسرق و النظام قائم ...الاخوان:الانتخابات اولا
الناس بتموت في التحرير....الاخوان :الانتخابات اولا
البلد بتولع....الاخوان:الانتخابات اولا
بتصرف رأفت نقلا عن اليوم السابع
و ده كان تجسيد حي لشعار طظ فى مصر من اخر من انضم للثورة و اول من تركها ركضا وراء الكراسي و المصالح الدنيوية و المتاجرة بالدين و حاليا لجنتهم الالكترونية بتلعب نفس دور لجنه الوطنى أيام الثورة و نفس نغمه التخوين و حرام البلد بتضيع و دول بلطجية و وقيعه و اجندات و مندسين و مش فاضل غير أنهم يعلنوا ان كفار قريش احتلوا التحرير!
من اول يوم و التمثيلية ملخصة في خطه مكشوفة لاشاعة الفوضى و اختطاف البلد مش بس الثورة ...كبار الحرامية اتحدوا مع كبار النصابين
من اول يوم و الصورة الكبيرة واضحة و منظمة و بتتصاعد و أركانها بتكمل
ليه مش فاهمين معني استعباط الداخلية من بدرى؟ و ليه مش فاهمين معني ان حصلت ثورة فى البلد استشهد فيها اكثر من 800 شهيد و لم يحاكم سوى امين شرطة و غيابيا عشان هارب عند كل القنوات بتستضيفه و الجرايد بتعمل حوارات معاه
ليه مش فاهمين ان الغاز رجع يتصدر لاسرائيل و رجعنا ندعم اسرائيل يوميا بكذا مليون دولار لكن بيشحتوا علينا من اللى يسوى و اللى ما يسواش
ليه مش فاهمين ان ترك المجالس المحلية بفلولها و عددهم بالالاف كل ده كان مقصود؟
ليه مش فاهمين ان الوزرا الفاسدين و المحافظين اللى كان مختارهم مبارك همه اللى اتعينوا و هو لسه اذينه بيرتجف فى منتجع شرم!!!
ليه مش فاهمين معني ان مافيش تحقيقات جادة بتتفتح فى القضايا اللى فيها شهود و مستندات تودى فى داهية لشفيق و سليمان و سوزان؟و ليه مش فاهمين ليه محاكمة العادلى جابولها عادل عبد السلام جمعه الشهير اووووووى؟
ليه مش فاهمين معنى اصرارهم على عدم وضع حد اقصى للاجور و اصرارهم على وجود ألف مستشار بيتقاضوا مليون جنية شهريا؟
و ليه مش فاهمين ان مافيش دولة فى العام سواء كانت ديمقراطية و لا ديكتاتورية و لا مهلبية انتخبت مجلس شعب يعمل دستور ينظم عمله و يحدد صلاحياته...يعنى الاتنين يجوزوا و يخلفوا و بعدين يقولوا احنا نكتب عقد بقى عشان كل واحد يعرف دوره و حقه و نبقى على نور!!!
كل اللى بيحصل مدبر و ده مش تباطىء و لا غباء
لم يسقط النظام بل بعض افراده بدلوا الادوار مع بعض...طول ما البلد مسيطر عليها و منفرد بالقرار فيها اللى حمى بسلاحه العميل ح تفضل البلد بتحضر لان ما فيش حاجة بتبقى ببلاش!
عذرا الفيديو لفوق 18 سنة
Posts
24 comments:
اه ماذا اقول لك يا ايتها هالشقيقة
لا نملك سوى الدعاء لرب العباد
ان يحمي مصر وناسها الطيبين
وان لا يضيع دماء الشهداء هباءا منثورا
طريق الحرية ليس معبد بالورد
الحرية ثمنها غالي
وعليكي ان تدفعي اكثر يا مصر
لانك ببساطة
ام الدنيا
صح
حاجة تخنق وتقرف
حمد الله على السلامة تيرز
عندك حق فى كلامك
انا حاسس بان البلد بتضيع ومحدش هامة غير مصلحتة وبس
بجد الواحد مش حاسس ان فى تغير حصل نهائى
ربنا يصلح الحال
مع خالص تحياتى
عندك حق يا تيرز مش من الموضوع ده
لأ
من تعليقاتك عالينا
من البوست اللى فات
تيرز
على فكرة انا متفق معاكي في كل ده
وانا من اللي قالوا لاء في الاستفتاء
وشايف ان الدستور كان لازم يبقى الاول
بس خلاص الشعب قال كلمته ولازم نحترم راي الاغلبية مهما كانت العواقب
تحياتي
انا متفق معاكي رغم اني قلت نعم في الاستفتاء لكن اي كانت الاجابة فحقيقة الأمر أنني الآن لا أفهم ما يحدث لهذا البلد
لا أفهم هل النظام في السجون أم النظام في الخارج !
الأمر أكثر من معقد
ولا أملك غير الدعاء لهذه الأمة
_________
خالص تقديري
Casper
وحشتينى بس برضة لسة مش قادرة أرجع أقرأ ولا أكتب زى الأول :((
مش عسألك ازيك يا تيرز
عشان عارفة نان حالك زى حالنا
مغمومين ع اللى بيحصل وقلقانين
بس انا تحديدا مبقتش قلقانة قوى
وكل ما يحصل حاجة كدا
اطمن اكتر
على عكس ما المفروض يحصل
عارفة ليه ؟؟
عشان يا حبيبتى هذه الأيام كاشفة
عمالة تسقط ف اوراق التوت عن كل الفصايل والاتجاهات والاشخاص
واللى قعد يغنى سنين
دلوقتى غصب عنه لازم يبطل غنا
او يصدح بحرية وشرف وكرامة
شرف بجد
مش شرف بتاع المجلس
احنا ف ايام عظيمة
عمالة تمسح ف السواد اللى فات
وتبين كل حى على اصله
الاخوان بانت نواياهم تمام
والسلفيين والاسلاميين
والوفد و والاعلام بقنواته وجرايده
وكل واحد استخبى وادارى ...
الثورة كشفته
واحدة واحدة او مرة واحدة
مش دى المهمة قوى
الأهم ..انكشاف الحقيقة
الهدم مفيش اهل ولا اسرع منه
لكن البناء هو اللى بياخد وقت
واحنا لسه يادوب بنهدم
ف ترسانة مدججة بالفساد والظلم والطغيان
والأسوأ من دا كله
جبال الاكاذيب والخداع
واللى عاوزة وقت عقبال ما نساويها بالارض
الصبر يا حبيبتى
وشوية تفاؤل
عشان اللى حصل اليومين اللى فاتوا
ف صالح الثورة ومش ضدها
اللى حصل كشف ان الداخلية
لسه ديلها نجس
واللى ساكت عليها نجس
بيحميها انجس
و شرف انكشف
والوزرا م الداخلية لحد الخارجية مرورا بالباقى انكشفوا
الثوار ما زالوا بقوتهم وصلابتهم
ورغم قلة عددهم ..لكن رب فئة قليلة غلبت الفئة الاكبر
حزب الكنبة لسه زى ما هوه ..
محبطاتى ويقرف
بس برضو لسه زى عدمه ومش فارق مع اصحاب العقيدة الثابتة ان البلد دى هتنضف يعنى هتنضف والا نموت احسن ولا نعيشش فيها ولا مع اللى حاكمينها
الصبر يا تيرز
ان النصر صبر ساعة
والوسية هتفضل دايما مطمع
وقبلة اللصوص
بس هيفضل فيها اللى يحميها
ويضحى عشانها بعمل وصبر و جهد
ويموت فداها لو لزم الامر
خالص حبى ليكى يا ست البنات
اتفق معك عزيزتي والله المستعان
المشكلة يا تيرس ... أن الأحزاب و التيارات السياسية بتتاجر بينا و بالثورة ... الموضوع مش بس الدستور أولا أو الانتخابات ، لكن الناس المظلومة في الشارع حقهم فين
دم الشهداء مش هيروح هدر
الثورة لازم ترجع تاني لتحقيق أهدافها و بعد كده نتكلم بقى على الانتخابات و الدستور لكن اللي عايز يتعايق بعضوية المجلس ، أو بيحلم بالسلطة يبعد عننا .. هنكون بكرة في التحرير و مش هنمشي إلا لما لتتحقق مطالب الثورة
لأن الثورة ما مقامتش علشان الدستور أو الانتخابات الثورة قامت علشان حقوق الناس في الحياة بكرامة
للاسف الجهل واللي بيعمل فينا كدة...شباب متعلم كام بثورة ولهفها منه العسكر والاخوان والسلفيين
انا مش عارفة هنخلص من الدوامة دي امتي
ربنا يعديها علي خير امتي
ربنا يعديها علي خير
اولا حمدلله ع السلامة
ثانيا
اعتقد علشان نكون منصفين مش الاخون
لوحدهم اللى لازم يتحملو مستولية اللى بيحصل كتير من القوى السياسية بتشترك فيه بشكل او باخر
بالمناسبة اخينا اللى بيرقص يعنى !
طبيعى ؟_
تحياتى المستعطرة
عارفه ياتيرز المشكله ان النظام لسه بفلوله موجودين بيقتلو فينا علشان بس نقول ولا يوم من ايام قبل الثورة فيه جمله كنت قريتها بتقول ان الذي يتوق الى القاء الرعب في قلوب الناس لابد ان يكون في خوف دائم
يا امي الاخوان اولاُ
هما ماصدقوا جه الموضوع في صالحهم وهما على نغمه واحدة الانتخابات يا بابا الانتخابات يا بابا
احتلوا المعادي عندنا باسليبهم الرخيصه في توزيع السلع والملابس ... يبقوا يقابلوني الهبل اللي هيبعيوا حريتهم بعلبه صلصله
وعندهم استعداد لبيع ابوهم ...فشعارهم بدل ما هو الاسلام هو الحل او وأعدوا اللي مكتوب تحت السفين دلوقتي بيستخدموا شعار عم حزمبل بتاع صغيرة على الحب: نحمل الخير لكل الناس
MishMish
ازيك يا تيرز
انتى مختفية ليه كدا
بتخض عليكى
عارفة انك مكتئبة
بس الجمعة الجاى بشرة خير
بإذن الله طول ما ف البلد دى ناس زيك
وزى السوايسة والشباب ف كل مطرح ف مصر ...
ان شاء الله خير
انا قولت اعدى اسأل بس
:)
هذا ما كنا ننادى به من البدايه لقد كنا سعداء بالثوره ولكن تغاضينا عن اشياء كثيره بسببها الثوره لم تكتمل الا بتحقيق اسبابها
دمتى بخير تقبلى تحياتى الاحـــلام
بفرح جدا بتعليقاتكم و عارفة انى مقصرة جدا و مش بزور مدونات و لو زورت مش بعلق و لا حتى بقيت بكتب هنا كتير
بصراحة نفسيا مش قادرة لانى شايفة طريق اخره دمار ماشيين فيه..ده مش معناه انى بندم على الثورة لكن واضح جدا ان تانى خطوة اتعملت بعد الثورة كانت غلط جدا و تقريبا نسفت الثورة و شوية كمان
Mona
انتى كمان وحشتينى بس فعلا مش قادرة اكتب او اتفاعل
فاتيما
بحب كلامك اوى و بتدينى امل و بفرح لما الاقى ان فيه حد بيقول نفس اللى بيقوله عشان كده بستمتع باللينكات اللى بتحطيها على مدونتك
لا انكر انزعاجى من الوضع الحالى على الساحة السياسية و احساسى بان الخطر حقيقي المرة دى
مرسية على سؤالك عنى و اهتمامك...ربنا بس يسترها و الامور تتحسن و بعدين ح شوف مالى ليه مابقتش قادرة اكتب
تحياتي
http://karmenhome.blogspot.com/2011/07/4.html
http://karmenhome.blogspot.com/2011/07/3.html
http://karmenhome.blogspot.com/2011/07/blog-post.html
http://karmenhome.blogspot.com/2011/07/2.html
لك هدية روح استلمها :D
زائرة من السعودية
السلام عليكم اختي لو سمحت إنت كتبت موضوع عن عدم فرضية الالحجاب (غطاء الرأس )
أنا اتفق معك في عدم وجود ما يثبت ذلك صراحة في القرآن لكن ما رأيك في الحديث الوارد في البخاري
قالت عائشة رضي الله عنها : يرحم الله نساء المهاجرات الأول لما أنزل الله ( وليضربن بخمرهن على جيوبهن ) شققن
مروطهن فاختمرن بها ...أرجوك اختي أن تجيبي على تساؤلي لاني لم استطيع سؤال العلماء الذين ذكرتيهم والاستفسار منهم شخصياوشكرا لك اختي
السلام عليكم
إختي لو سمحت إنت مرة كتبت موضوع عن عدم فرضية الحجاب وأنا أتفق معك على
عدم وجود دليل في القرآن لكن هناك دليل في السنة بل في صحيح البخاري قالت عائشة رضي الله عنها : يرحم الله نساء المهاجرات الأول لما أنزل الله ( وليضربن بخمرهن على جيوبهن ) شققن مروطهن فاختمرن بها . رواه البخاري أتمنى أسمع ردك إذا تكرمتي
لأنني لا أستطيع التواصل مع العلماء الذين ذكرتيهم في موضوعك
ولك جزيل الشكر .
اول كلمة نزلت فى القرآن اقرأ لذا يجب ان نبحث بانفسنا و لا ننتظر الاجابة من وسطاء على تساؤلاتنا
كتاب الحجاب و حجية الحديث
http://dc131.4shared.com/download/63638164/a2c529e5/_____-____.pdf?tsid=20100314-060840-2d50c18a
تيرز عاملة أيه
بقالى كتير مسمعتش عنك حاجة قلت أسلم عليكى
ولا يمكن نزلتى التحرير زيى عموما صباح الخير
Post a Comment